Vi tilbyr tilrettelagt opplæring for elevar som har behov for det. Opplæringa er knytt opp mot eit utdanningsprogram og tar utgangspunkt i dei faga, eller delar av faga, som eleven kan meistre. Eleven får eit kompetansebevis som viser kva mål i læreplanen som er gjennomført.
Tilrettelagt opplæring
Vi tilbyr opplæring i lita gruppe for elevar som har behov for ei individuell tilrettelegging av opplæringa. Vi har to ulike tilbod innafor opplæring i lita gruppe, der opplæringa har mål om å gi kompetanse til å meistre ein framtidig tilrettelagt arbeids-, bu- og fritidssituasjon. Elevane skal meistre tilrettelagt arbeid på ein ordinær arbeidsplass, eller i ei vekstbedrift.
Gruppene er knytt til utdanningsprogramma
• Teknologi- og industrifag
• Helse- og oppvekstfag
Våre kompetente tilsette tar utgangspunkt i det faget eller deler av faga som eleven meistrar, slik at eleven kan kome lengst mogleg innafor sitt potensiale og forutsetningar. Vi har fokus på å skape eit inkluderande felleskap der alle kjenner seg likeverdige, blir sett og har reell medverknad.